2026 წლის 16 მარტს, მირზა ფათალი ახუნდოვის სახელობის აზერბაიჯანის კულტურის მუზეუმის გალერეაში გაიმართა აზერბაიჯანის სახალხო მხატვრის, „შოჰრათის“ ორდენის მფლობელის, პროფესორ არიფ ჰუსეინოვის, პირველი პერსონალური გამოფენა — „ნოვრუზის ჩუქურთმები“. ღონისძიება ჩატარდა ნოვრუზის ფარგლებში — როგორც გაზაფხულისა და განახლების სიმბოლო.
გამოფენა ორგანიზებული იყო აზერბაიჯანის რესპუბლიკის კულტურის სამინისტროს, აზერბაიჯანის მხატვართა კავშირის, მირზა ფათალი ახუნდოვის სახელობის აზერბაიჯანული კულტურის მუზეუმის, გალერეა „Palazzo Mandrile — აზერბაიჯანი–იტალია“ და ბაქოს ხელოვნების გალერეის მხარდაჭერით. გამოფენაზე წარმოდგენილი იყო მხატვრის როგორც ახალი, ასევე კლასიკური ნამუშევრები, რომლებიც ერთდროულად აერთიანებს აზერბაიჯანულ ტრადიციულ მოტივებს და თანამედროვე მხატვრულ მიდგომებს. თითოეული ნამუშევარი ასახავს ეროვნული ფოლკლორს, კულტურულ სიმდიდრეს და მხატვრის თანამედროვე ხედვას.
ღონისძიებას ესწრებოდნენ კულტურისა და საზოგადოებრივი სფეროს წარმომადგენლები, ქართულისა და აზერბაიჯანულ ინტელიგენციასთან ერთად. აზერბაიჯანის ელჩმა საქართველოში ფაიგ გულიევმა თავის გამოსვლაში აღნიშნა გამოფენის მნიშვნელობა ორ ქვეყნის კულტურული თანამშრომლობის გაძლიერებისა და აზერბაიჯანული ხელოვნების საერთაშორისო ასპარეზზე წარმოჩენის თვალსაზრისით.
მხატვრის ნამუშევრები დამთვალიერებლებს არა მხოლოდ ვიზუალური სიამოვნება, არამედ ნოვრუზის დღესასწაულის სულიერ ატმოსფეროც აგრძნობინა. გამოფენა მნიშვნელოვანი მოვლენაა თბილისის კულტურული ცხოვრებისათვის, რაც კიდევ ერთხელ უსვამს ხაზს, რომ ხელოვნებაა ხიდი ხალხებს შორის, რომელიც აერთიანებს ტრადიციას და თანამედროვეობას, ეროვნულსა და უნივერსალურ ღირებულებებს.
