AHGEB-ის მოხალისე პედაგოგების გაერთიანების ორგანიზებით, თურქეთის სხვადასხვა უნივერსიტეტის სტუდენტებისგან შემდგარი 24-კაციანი ჯგუფი მირზა ფათალი ახუნდოვის სახელობის აზერბაიჯანული კულტურის მუზეუმს ეწვია.
სტუმრები გაეცნენ მუზეუმის ექსპოზიციას, მიიღეს ინფორმაცია მირზა ფათალი ახუნდოვის ცხოვრებისა და შემოქმედების, ასევე საქართველოში აზერბაიჯანული კულტურული მემკვიდრეობის შესახებ. ვიზიტი თბილ ატმოსფეროში გაიმართა და სამახსოვრო ფოტოების გადაღებით დასრულდა.
